Salamaik datang di Bukiktinggi Airlines.
Kapado inyiak, biyai, apak, amak, mamak jo etek bagai sarato uda jo uni.. panumpang yg disagani.
Kapatabang ko jenis boiang punyo pintu gadang ciek dimuko, ciek dilakang dan duo pintu tagageh disampiang.
Pintu tagageh jan dibukak apolai lo di dongkak.
Tamuek180 urang nan manumpang, 2 urang pilot, dan 5 urang Awak kabin.. Alhamdulillah lai urang sen kasado no
Sabalun tabang, labiah rancak sado incek mato madok kale den untuak ka di tarangan caro mamakai cawek jo benen secara badagok dan santiang.
Kabek arek cawek nan dikurisi sampai babunyi badatiak, sudah tu irik sampai tagok.. jan arek bana tapanca lo kantuik beko.
Dan sandaran kurisi tolong di tagakan.
Kok malang ka tumbuah mahambua sen kapatabang ko ka lauik, nan benen lah kami sadiokan ciek surang dibawah kursi surang surang, jan bacirabuik lo, masuak an benen k lihia kabek tali dbawah no tu hambuih jo perasaan malakik benen cako barangin. kok indak juo barangin irik an pipa ko kalua sampai benen barangin, dan benen otomatis maiduikan lampu sinyal.. jiko lah mahambua k lauik indak juo kambang benen tun, yoo tapaso do'a nan dipabanyak lai srahanlah nasik ka nan Kuaso lai .
Kok udaro kurang biko, ado masker panyaok muncuang mahambua dari loteang ko beko untuak panambah-nambah angok nan bantuak no warna kuniang batali ijan pulo barabuik.
Kapatabang ko bebas dr hape, asok rokok, kok k marokok ancak lah dilapau kudo dimuko SMA 1 Landbow tun ah, lai bisa bautang kopi bagai .
Kok saak ta kanciang kakuih lai di balakang kami sadiokan, kok dapek katiko kapatabang tanang takanciang tun dari pado biko baerak erak lo aia kanciang tun ka sarawa bagai kan najis tu ndak bisa lo sarawa rayo sanak ko di bao sumbayang lai..
Kapatabang ko di baok dek pilot Kapten Syamsuar Sutan sampono anak rang Canduang jo kopilot nan baru mancubo kapatang Herman Bandaro Kuniang anak nak rang kampeh.
Kalau ado nan kaliru atau nan kurang sanang bacolah karateh panunjuak nan di adok an kurisi masiang2 atau buliah turuik ambo ka lakang. Benen jo karateh panunjuak jan dipindahan apolai lo sampai baciluik, tangkok pak polisi beko..!,masuak kandang situmbin lo bangkai tun di Biaro.
Ateh namo Kapten dan kru nan batugeh kami ucapkan salamaik tabaaang.
Acok-Acok juo lah handaknyo kito basobok..
dari tetangga sebelah : http://www.facebook.com/groups/palanta.cimbuak/
facebook
