06 Maret 2009

SAMBA LADO CANGKUAK TULANG






Kok sirahnyo indak sirah bana, yo iko bana nan kadisudu. Sambalado asiang dek nan mudo, resep rang gaek nan di Baso, sambalado banamo samba Cangkuak tulang cancang. Kok namo bialah buruak, tapi buah kenangan nan tuo-tuo. Kok ndak basuo si tulang cancang, bisa diganti jo udang saia, maco arai jadih juo, pati nasi nan basiramkan, aia didiah urang di namokan.
Jiko caro mambuek nan sanak cari, indak ka sarik bana karajo no, lado sirah nan di giliang, langkok jo bawang sarato dasun, garam piaman indak tingga , di giliang jo batu lado, sadang tasirah anak batu haluih alun kasa pun tido, disinan giliang di antian, kukuik bakukuik jo sanduak kajai, di masuakan kadalam mangkuak ketek. Adopun si tulang cancang nan , buatan urang  pincuran puti, kareh indak lunak pun tido, dimasuakan ka dalam kuali di kacau dibaliak baliak api nan indak gadang bana, baun mambubuang kaudaro rarak sagalo bulu hiduang, usah talampau masak bana sadang kuniang kuniang gadiang , baminyak mangkapopoh, rancak di bangkik sakutiko, dimasuakan pulo kadalam mangkuak , bacampua nan jo lado, di kacau bia nak rato. Nasi nan sadang manggalagak, di kadang si aia nasi, supayo nasi indak lambiak, aia didiah urang namoan, disiraman kadalam mangkuak, daun kunik jo daun salam usah di lupoan,usah talampau panuah bana, jikok taserak kadalam pariuak , kurang lamak mato mamandang. Mangkuak jo sagalo bahan  di uokan diateh nasi, nasi kariang samba lah masak,Baunnyo sampai ka timba jalan, baranti tagak sagalo oto. Baun menyeso si galang-galang, raso kanai ilimu si dukun sati. Nasi angek sambapun angek sendok nasi  bagaluik dalam cambuang ambiak sabara nan ka abih di salin kadalam piriang, piriang putiah nasipun putiah, asok mangabubu ka udaro,Sakatiko kuah jatuah, bajanji arek Cangkuak jo pitaruah bareh, kok denai mangirim lamak, tolonglah angku manganyangkan. Sadang elok saladah nan manampuang, taragak tanggauang, ano alah abih,kacok kacokandinamoan, mode anak bantiang bacarai jo induak, badan nan sadang arek manyusu.
Mangamek sajo sagalo samba, jo dendeang indak basingguang. Tapi ciek lai nan katuju, uok patai jo kambeh mudo badaruak jiko di gigik, paik nan indak paik bana sadang manabikan salero, sato manari si jariang mudo. Bia nak langkok pinggan badantang, ditambuah sasanduak lai, cukuik ka tigo sindao datang, sadang lamak di antian , basuah lah tangan ,seka bia nak kariang, bae manyanda di dindiang tadia, santo pikumbuah dikaluaan guluang lah rokok si daun anau, rokok cap panjek  tinggi batang no, lupo mairuik api lah padam jiko di isok pipi cukam, asok mambubuang ka udaro. Mungkin dek Singgalang mangirim angin, sajuak bakuliliang di badan diri, disinan pulo kopi paik sandaran gulo, harum no bukan alang alang, bak cando kopi tan baro kok tibo di kalek no galak pencong manduduik no, jiko tibo di manih no tasengeang galak sutan di barando. raso barubek panyakek nan ko. Di unjua kan tungkai katangah balai, basanda badan ka dindiang tadia. Asok manggabubu ka parabungan, silek ka pai sidagang sansai. Dikana untuang jo parasaian, di kana pulo sagalo mujua, dek kasiah ombak mangko sampai.


Bahan-bahan

Tulang kaki sapi yang sudah di rebus dan di cancang( raut) segenggaman.
Cabe merah 1 ons
Bawang merah 3 siung.
Daun kunyit 1 lbr yang sudah di racik(di rajang).
Garam secukupnya
Daun salam 1 lbr
Air nasi /aia didiah.

Cara membuatnya.

Segenggaman tulang yang sudah di cancang di gonseng( rendang ) dengan kuali sampai berwarna kuning dan keluar minyak.
Cabe merah di cuci bersih di giling bersama bawang merah dan garam sampai halus, kemudian masukkan tulang yang sudah di ginseng dan digiling bersama sama pakai batu lado.
Setelah halus dimasukkan ke dalam mangkok kecil.
Sementara yang menanak nasi dengan periuk bukan dengan magic jer perlu air nasi yang di kadang ( diambil sehingga nasi di periuk kering ) air nasi ( aia didiah) ini dimasukkan kedalam adonan yang sudah disiapkan , di aduk rata sehingga bercampur rata dengan semua adonan di dalam mangkok kecil, dimasukkan daun salam, daun kunyit, kemudian di uapkan diatas nasi panas yang belum kering betul, selama nasi kering, nasi kering samba lado tulang sudah siap di hidangkan.
Hidangkan dengan nasi panas, di siramkan diats piring nasi panas ….
Selamat mencoba….

Mintuo di balakang pasti indak nampak kalau makan dengan cangkuak tulang ini…

Notes:
Tulang cancang ini biasa di jual orang di pasa Baso setiap hari senin.
Bisa juga tulang diganti dengan udang saia basah atau kering.

facebook

https://www.facebook.com/b.katiksulaiman